પાલક સ્વાસ્થ્ય માટે ઘણી ફાયદાકારક હોય છે અને પનીર પણ. માટે આ શાક હેલ્થ માટે ઘણું સારું છે. જ્યારે પંજાબી વાનગીઓની વાત કરવામાં આવે ત્યારે પાલક પનીરનું નામ ચોક્કસપણે લેવામાં આવે છે. તમે અહીં આપવામાં આવેલી રેસિપીથી ઘરે જ હોટેલ જેવું ટેસ્ટી પાલક પનીર બનાવી શકો છો.
4 વ્યક્તિઓ માટે પાલક પનીરની સબ્જી બનાવવાની રીત
- સામગ્રી:
- 500 ગ્રામ પાલક
- 100 ગ્રામ પનીર
- 2 ડુંગળી
- 3 ટેબલ સ્પૂન માખણ
- 2-3 તમાલપત્ર
- 1 ટીસ્પૂન જીરુ
- મીઠું, સ્વાદ અનુસાર
- 1/4 ટીસ્પૂન મરી પાવડર
- 3/4ટીસ્પૂન
- આદુ-લસણની પેસ્ટ
- 1/2 ટીસ્પૂન લીલા મરચાની પેસ્ટ
- 1 ટીસ્પૂન ગરમ મસાલો
- વેજીટેબલ ઓઈલ, જરૂર પ્રમાણે
રીત:
- – આદુ પેસ્ટ, લીલા મરચાની પેસ્ટ અને થોડુ પાણી પાલક સાથે મિક્સ કરો.
- -તેને 7-8 મિનીટ માટે પ્રેશર કુકરમાં બાફો. (લગભગ 1 સીટી)
- – પનીરને નાના ટુકડામાં કાપી લો. 3 ટુકડાને ગાર્નિશ કરવા માટે બાજુમાં રહેવા દો.
- – એક પેનમાં તેલ ગરમ કરો. તેમાં પનીરના ટુકડાને મધ્યમ આંચ પર તળો.
- -થોડા બ્રાઉન રંગના થાય ત્યા સુધી તળીને બાજુ પર રાખી દો.
- – હવે 2 ટેબલસ્પૂન માખણ ગરમ કરો. તેમાં તમાલપત્ર અને જીરુ નાંખો.
- -સમારેલી ડુંગળી ઉમેરીને લાઈટ બ્રાઉન થાય ત્યા સુધી સાંતળો.
- – તેમાં મીઠું, મરી પાવડર, ગરમ મસાલો ઉમેરીને બરાબર હલાવો.
- – હવે પનીરના ટુકડા અને પાલકને ગ્રાઈન્ડ કરીને તેમાં ઉમેરો અને બરાબર મિક્સ કરો.
- – પાલક પનીરને બરાબર ધીમી આંચે પકવા દો, તેમાં વધારાનું માખણ ઉમેરી લો
- -હવે ગાર્નિશીગ માટે ઉપરથી પનીરના સાઈડમાં રાખેલાં ટુકડા નાખો
- – ગરમા ગરમ પરાઠા સાથે સર્વ કરો.
