સામગ્રી
* ૧ કપ પીળી મગની દાળ (૩ કલાક સુધી પલાળેલી),
* ૨ ટી સ્પૂન રવો,
* ૧/૨ કપ કાપેલી ગાજર,
* ૨ ટી સ્પૂન દહીં,
* ૧/૨ ટી સ્પૂન સાકર,
* ૨ ટી સ્પૂન આદું, મરચાની પેસ્ટ,
* ૨ ટી સ્પૂન બારીક કાપેલ કોથમીર,
* સ્વાદાનુસાર મીઠું,
* ૨ ટી સ્પૂન ફ્રુટ સોલ્ટ
* ૨ ટી સ્પૂન પાણી.
રીત
એક બાઉલમાં ચારણીથી મગની દાળ નાખવી જેથી બધું પાણી નીકળી જાય. હવે આ દાળને મિક્સરમાં (પાણી વગર) સારી રીતે પીસી નાખવી. દાળના આ પેસ્ટના રવો, ગાજર, દહીં, સાકર, આદું-મરચાની પેસ્ટ, કોથમીર અને મીઠું નાખવું. હવે આ મિશ્રણને બરાબર રીતે મિક્સ કરી લેવું. મિક્સ કર્યા બાદ આમાં ફ્રુટ સોલ્ટ અને પાણી નાખવું. હવે ફરી વખત ધીમા હાથે આ મિશ્રણને હલાવવું. તો તૈયાર છે આ મિશ્રણ.
વધાર માટે
સામગ્રી
* ૨ ટી સ્પૂન તેલ,
* ૧/૨ ટેબલ સ્પૂન રાઈ,
* ૧/૨ ટેબલ સ્પૂન હિંગ.
રીત
એક પેનમાં તેલ, રાઈ અને હિંગ નાખ્યા બાદ આમાં તૈયાર કરેલ દાળનું મિશ્રણ નાખી દેવું. હવે ધીમા તાપે ૭ થી ૮ મિનીટ સુધી હાંડવા ને ગરમ થવા દેવો. હવે આ હાંડવોને એક પ્લેટ પર ઉલટો કરી નાખવો. હવે આને ફરી વાર ઉલટો કરીને બીજી બાજુ સેકાવવા માટે ઢાકી દેવો. બીજી બાજુ ઉલટો કર્યા બાદ આને ૫ મિનીટ સુધી સેકવા દેવો. તો તૈયાર છે હાંડવો. તમે આને તમારા મનપસંદ આકારમાં કાપીને ગ્રીન ચટણી સાથે સર્વ કરી શકો છો.
