ભારતીય લોકોને જેટલી ક્રિકેટ પસંદ છે તેટલું જ ખાવાનું પણ. ભારતને વિશ્વમાં સ્વાદ અને ક્રિકેટે પહેચાન અપાવી છે. ઘણા લોકો એવા હોય છે જે પોતાના ફેવરીટ ક્રિકેટરની સ્ટાઇલથી લઈને એક એક વાત જાણવા આતુર હોય છે. ક્રિકેટર્સ ખાવા પીવામાં વધારે ઘ્યાન આપે છે. ઘણા સ્ટાર્સ શુદ્ધ શાકાહારી છે તો કોઈ નોન-વેજીટેરીયન અને ખાવાને લઇને પોતાની અલગ અલગ પસંદગી છે.
સચિન તેંડુલકર
સચિન ખાવાના ખૂબ શોખીન છે અને તેઓ બધા પ્રકારનું ભોજન ખાય છે. તેમને પાકિસ્તાની ભોજન ખુબજ પસંદ છે. કીમા પરાઠા અને લસ્સીના શોખ વિષે તેઓ જણાવી ચુક્યા છે. આ ઉપરાંત ‘સી ફૂડ’ જેમાં પ્રોન ખાવાનું પસંદ કરે છે. જયારે મરાઠી ભોજનમાં તેઓ દાળભાત ખાવાનું પસંદ કરે છે.
ક્રિસ ગેયલ
ગેયલને એકી અને સોલ્ટ ફીશ ખુબ પસંદ છે. આ ઉપરાંત ભારતીય વ્યંજનમાં તેમને કીમા, બિરયાની અને નાન પણ પસંદ છે.
આર અશ્વિન
અશ્વિન શાકાહારી ભોજન ખાય છે. તેમને ગોળની દાળ અને રોટલી ખુબ પસંદ છે. તેમનું ફેવરીટ ભોજન ઘરે તેમના મમ્મીના હાથેથી બનેલ પનીર કેપ્સીકમ છે.
વિરાટ કોહલી
કોહલી નોનવેજમાં લેમ્બ અને ફીશ ની સાથે ગ્રીન સલાડને ખાવાનું ખુબ પસંદ કરે છે. તેમને ચોકલેટ બ્રાઉની પણ ખુબ પસંદ છે. ઉપરાંત તેમની લોકપ્રિય ડીશ જાપાનની સુશી ડીશ છે. આને ચોખા અને સિરકાને મેળવીને બનાવાય છે. આમાં સી ફૂડ અને શાકભાજી પણ નાખવામાં આવે છે.
ડેવિડ વોર્નર
વોર્નર ને ચિકન એવોકેડો સેન્ડવિચ ખુબ પસંદ છે. આમાં તેઓ લીન ચિકન અને સલાડને પસંદ કરે છે.
એબી ડીવિલિયર્સ
ડીવિલિયર્સના ભાઈને ફાસ્ટ ફૂડનો બિઝનેસ છે અને ડીવિલિયર્સ તેના પાર્ટનર છે. એક ઈન્ટરવ્યૂમાં તેમને પોતાને ‘ફૂડી’ જણાવ્યો હતો. તેઓને ફાસ્ટફૂડ ખુબજ પસંદ છે. આજ કારણે તેઓ તેમના ભાઈના બિઝનેસમાં પાર્ટનર બન્યા.
રોહિત શર્મા
રોહિતને બાફેલા ઈંડા ખુબજ પસંદ છે. રોહિતની ફેવરીટ ઇન્ડિયન ડીશ આલૂ પરોઠા છે. ઉપરાંત નાસ્તામાં તેઓ બટાટા પૌવા ખાવાનું પણ પસંદ કરે છે.
ગૌતમ ગંભીર
ગંભીરને રાજમા ચાવલ ફેવરીટ છે.
યુવરાજ સિંહ
આપણા દેશમાં પંજાબી લોકોને ખાવા પ્રત્યેની દીવાનગી માટે ઓળખવામાં આવે છે. ભારતીય શાકાહારી ભોજનમાં યુવરાજને કઢી ભાત અને મટર પનીર પસંદ છે. જોકે, તેમની ફેવરીટ ડીશ કોંટિનેંટલ ડીશ છે. યુવીને ચાઈનીઝ ભોજન સહેજ પણ પસંદ નથી.
સુરેશ રેના
સુરેશ રેના થાઈ ફૂડના દીવાના છે.
મહેન્દ્ર સિંહ ધોની
ધોની બ્રેકફાસ્ટમાં અલગ અલગ પ્રકારના અનાજ ખાવાનું પસંદ કરે છે. તેઓ નટ્સ અને ફ્રુટ્સના જ્યુસ પણ પીવે છે. ધોનીને હલકું ભોજન વધારે પસંદ છે, જેમાં રોટલી, મસુર દાળ અને ચીકન પ્રેફર કરે છે. ઘોનીને વધારે ભારતીય ભોજન પસંદ છે. તેમાં પણ બટર ચીકન તો તેમનું ફેવરીટ છે.
