2 વ્યક્તિ માટે
સામગ્રી:
- 2 ચમચા તેલ
- 2/3 કપ સફેદ કાંદા- સમારેલા
- 4 કાળી લસણ- સમારેલું
- 2 ચમચી આદું- છીણેલું
- 2/3 કપ ગાજર- છાલ કાઢીને ટુકડા કરીને બાફેલું -વધારે નહિ બાફવાનું-જરા કડક રાખો –
- 2/3 કપ વટાણા -બાફેલા-
- 1 કપ તાજી બ્રોકોલી -[ નાના ટુકડા કરીને મીઠાવાળા પાણીમાં સાધારણ અધકચરી 2-3 મીનીટ માટે બાફી લો -સહેજ નરમ થાય એટલે નિતારીને થોડી વાર માટે બરફના પાણીમાં નાખો -પછી નિતારીને વાપરો ]
- 1/4 કપ લીલી ડુંગળી નાં પાન -તિરછાં કાપેલાં –
- 2 કપ રાંધેલા ભાત -ઠંડા કરેલા -સહેજ કડક દાણો –
- 2 ચમચી ચિલ્લી ગાર્લિક સોસ -સ્વાદ પ્રમાણે –
- 4 ચમચી સોય સોસ
- 2 ચમચી મેગ્ગી હોટ એન્ડ સ્વીટ ટોમેટો ચીલી સોસ -સ્વાદ પ્રમાણે-
- 2 ચમચી ડક સોસ
- 1/8 ચમચી મરીનો ભૂકો
- મીઠું -સ્વાદ પ્રમાણે -બધા સોસમાં વધારે પ્રમાણમાં મીઠું હોય છે તે ધ્યાનમાં રાખીને મીઠું ઉમેરો-
- 1 ચમચી તલનું તેલ -છેવટે ઉપરથી છાંટવા માટે
રીત :
- આ વાનગી તેજ તાપે બનાવવી
- { ફ્રોઝન શાક [ગાજર,વટાણા ,બ્રોકોલી] વાપરવાં હોય તો પહેલાં 5-6 મિનીટ તેજ તાપે સ્ટર ફ્રાય કરી ને બાજુમાં મૂકી રાખો }
- નોન સ્ટીક પાન અથવા સાદી કડાઈ માં તેલ ગરમ કરો.
- સફેદ કાંદા 2 મિનીટ માટે સાંતળો-સતત હલાવતા રહો .જેથી કાંદા ક્રન્ચી રહે
- લસણ આદું ઉમેરો-સુગંધ આવે ત્યાં સુધી સાંતળો –
- ગાજર,વટાણા ,બ્રોકોલી અને અડધો ભાગ લીલી ડુંગળી નાં પાન ઉમેરો અને 1 મિનીટ માટે રાંધો.
- રાંધેલા ભાત ઉમેરો અને 1 મિનીટ માટે રાંધો -બધા ભાત ગરમ થાય ત્યાં સુધી હલાવીને ભેળવતા રહો.
- ચિલ્લી ગાર્લિક સોસ-સોય સોસ-મેગ્ગી હોટ એન્ડ સ્વીટ ટોમેટો ચીલી સોસ – ડક સોસ -મરીનો ભૂકો ઉમેરો અને સારી રીતે હલાવીને ભેળવો –
ગેસ બંધ કરો –
- જરૂર હોય તો મીઠું ઉમેરો- ઉપરથી તલનું તેલ છાંટો અને ભેળવો
- બાકીના લીલી ડુંગળી નાં પાનથી સજાવો.ગરમાગરમ પીરસો અને આનંદ ઉઠાવો .
