સામગ્રી

* ૧ ટેબલ સ્પૂન ઘી,

* ૧/૨ ટેબલ સ્પૂન આખુજીરું,

* ૧ કપ મોરિયો,

* ૧/૪ કપ શેકેલા કાજુ,

* ૧/૪ કપ શેકેલા મગફળીના દાણા,

* ૧ ટેબલ સ્પૂન છીણેલું આદું,

* ૧૧/૨ સમારેલ લીલા મરચાં,

* ૩ કપ પાણી,

* સ્વાદાનુસાર સિંધી મીઠું.

રીત

સૌપ્રથમ એક ડીપ નોનસ્ટીક પેનમાં ઘી ગરમ કરવું, ઘી ગરમ થયા બાદ તેમાં આખુજીરું, મોરિયો, સેકેલા કાજુ, મગફળીના દાણા, આદું અને લીલા મરચાં નાખીને આ મિશ્રણને ઘીમાં ગેસે ૫ મિનીટ સુધી શેકી લેવું. હવે આમાં પાણી નાખીને, સિંધી મીઠું નાખીને ૫ થી ૭ મિનીટ સુધી નોનસ્ટીકનું ઢાંકણ બંધ કરીને કુક થવા દેવું. આ મિશ્રણને વચ્ચે વચ્ચે હલાવતા રહેવું, જેથી મિશ્રણ તળિયે ચોંટી ન જાય. ૫ થી ૭ મિનીટ બાદ તૈયાર છે મોરિયાની ખીચડી.